On tơhrik Dak Lak nôkố dế pơkuâ 14 toăng hngêi kơmăi klâ xoăng on tơhrik 110kV ƀă lối 1.200 kơmăi ki kum tơ’nôm. A rơnó mêi, kŏng ti On tơhrik Dak Lak hiăng pêi pro péa roh mơnúa ki rak tơniăn a mâu kơmăi klâ xoăng on tơhrik, séa ngăn mơgrúa rak kơmăi vâ tơniăn troăng kơxái on tơhrik kơtâu tơniăn, châ tơƀrê.

Tơdroăng mơnúa a mâu kơmăi klâ xoăng on tơhrik 110kV tơkŭm ki hên mot séa ngăn ivá mơ’no on tơhrik, khuă ki tât tơro hrik têa, cap ki kâi trâng... drêng kong mêi khía mơhot. Tơdrêng amê mâu tíu pêi cheăng thăm pơtroh mơngế pêi cheăng tơkŭm mơgrúa, rơnêu tơmeăm ƀă rơnêu mâu tơdroăng ki tơ’nhê a mâu kơmăi klâ xoăng on tơhrik.

Ing mâu roh mơnúa, on tơhrik Dak Lak hiăng teăm tơdrêng châ hlo, rơnêu 15 tơmeăm ki tơdjâk troh kơmăi rơle ki chiâng pêi xêh, pêi kêi đeăng tâi tâng mâu kơmăi vâ kơdroh tơdroăng ki tơ’nhê, mơdêk ki loi tơngah xing xoăng on tơhrik.