Veăng hôp mê ai mâu kăn Tíu ngăn ‘na mơdró-cheăng kơmăi kơmok, Tíu xiâm Mơhnhôk tê mơdró ƀă lối 60 tíu pêi cheăng, khu mơdró, khu pêi cheăng tơrŭm, khu xing xoăng tơmeăm tê dêi pái to kong pơlê. A rôh hôp, Ngế teăng mâ kơvâ tê mơdró dêi pái kong pơlê Dak Lak, Trà Vinh ƀă Sóc Trăng hiăng tơbleăng tơmeăm ai hlâu, ki rơdêi tung kơvâ pêi chiâk deăng, uâ pơliê pro tơmeăm pê lo ing chiâk deăng, tơdroăng kal tơdjêp ƀă, po rơdâ tíu tê mơdró mâu tơmeăm ki xiâm dêi kong pơlê.

Teăng mâ mâu khu mơdró, khu pêi cheăng tơrŭm xuân tơbleăng tối ‘na tơdroăng kal vâ tơdjêp ƀă tê tơmeăm pêi lo. Pakĭng hneăng hôp, Khu mơdró 3 to kong pơlê hiăng tơbleăng mâu tơmeăm, tơpui tơno tơdroăng vâ mung, tê mâu tơmeăm ƀă tơdroăng kal vâ tơdjêp tê ƀă dêi rơpó, tíu pêi cheăng xing xoăng, troh hôp tơpui tăng troăng tơdjêp tê mơdró.  

Rôh kố, ai 29 hlá mơ-éa chêh tơdroăng chôu pâ tơrŭm tê mơdró, tê tơmeăm pê lo pơla mâu khu mơdró, khu pêi cheăng tơrŭm ƀă khu xing xoăng tơmeăm tê dêi 3 kong pơlê hiăng châ kĭ.