Troh tâi khế 6 la ngiâ, tâng tơdroăng tơkêa bro ki lâi hâi mơjiâng pro, hâi  teăm xo liăn ngân, kong pơlê Dak Nông kô pơtroh liăn a mâu tơmeăm khoăng ki dế pêi tro nôkố. Mê cho môi tung mâu tơdroăng pơkâ ki Vi ƀan kong pơlê Dak Nông hnê mơhno vâ mơdêk rĕng tơdroăng xo liăn ngân ‘no mơjiâng tơmeăm khoăng. Hơnăm 2023, tâi tâng liăn ngân ‘no mơjiâng tơmeăm khoăng dêi tơnêi têa a kong pơlê Dak Nông ai 3. 473 rơtal liăn.

Troh mơ’nui khế 2, lâp tung kong pơlê hiăng xo dâng 185 rơtal liăn, châ lối 5% tiô pơkâ. Krê ƀă mâu tơdroăng pơkâ dêi tơnêi têa hơnăm 2023, ai tâi tâng kơxô̆ liăn vâ chê 1.120 rơtal liăn xuân hâi châ xo liăn ngân. Kơxô̆ liăn pơtối pơtroh ăm dêi mâu tơdroăng mơjiâng tơmeăm khoăng tơnêi têa cho 2022 vâ tối 758 rơtal liăn, kong pơlê nếo xo liăn ngân 17%.

A hneăng hôp tối mơdêk xo liăn ngân ‘no mơjiâng tơmeăm khoăng nếo achê kố, pôa Hồ Văn Mười, Kăn xiâm hnê ngăn Vi ƀan kong pơlê Dak Nông pơkâ thế mâu tơring, pơlê kong kơdrâm, mâu kơvâ cheăng hbrâ rơnáu, rơkê ƀeăn, hriăn plĕng tung tơdroăng pêi pro, đi đo tối ăm dêi rơpó ‘nâi, tơrŭm krá vâ xo liăn ngân pêi cheăng tro tơdroăng.

Troh hâi lơ 30/6/2023, mâu tơdroăng tơkêa bro hâi mơjiâng pro, hâi xo liăn ngân mê pơxiâm pơtroh liăn ăm tơdroăng tơkêa pêi tro, mơ-eăm troh mơ’nui hơnăm 2023 xo liăn ngân châ lối 95%.