Tơbleăng a hneăng hôp ăm hlo, 5 hơnăm hiăng hluâ, kăn ƀô̆, mâu lêng khu lêng a Dak Nông đi đo rŭm môi tuăn môi hiâm mơno, pleăng ivá, tuăn ngôa rơkê, khŏm mơ-eăm gâk kring krá tơniăn krê, hnoăng pơkuâ dêi Tơnêi têa ƀă tơniăn lĕm ăm kuăn pơlê, kum tơbêng um méa “Mô đô̆i Pôa Hồ’’ tung hneăng nếo.

Tung plâ 5 hơnăm, hiăng ai chât rơpâu roh kăn ƀô̆, mâu lêng gum kuăn pơlê kơpong pá puât; mơhnhôk châ lối 5,6 rơtal liăn mơjiâng 78 toăng hngêi rŭm môi tuăn; tŏng kum 1,4 rơtal liăn tăng cheăng pêi kum mâu rơpŏng kơtiê mơ-eăm xông tơtêk; khăm pơlât tê kơtê ăm vâ chê 1.900 ngế kuăn pơlê a kơpong hơngế, hơhngo.