Pái rơpŏng châ gum kơxô̆ liăn bro hngêi cho rơpŏng mâu mố đô̆i tro rong Lê Văn Phục, a thôn 12, cheăm Ia Rvê; Nguyễn Văn Minh, a thôn 13, cheăm Ea Lê; ƀă Y Blưng Hra, a ƀuôn A1, pơlê kân Ea Súp. Tâi tâng kơxô̆ liăn ‘no gum ăm rêm rơpŏng cho 100 rơtuh liăn. Tung mê, Kŏng ti xiâm on tơhrik peăng Tơdế Tơnêi têa gum 60 rơtuh liăn, tơring Ea Súp gum 30 rơtuh liăn cho ing kơxô̆ liăn dêi khu râng liăn pâ mơnê mâu ngế ai hnoăng, khu kăn pơkuâ mâu cheăm tŏng gum 10 rơtuh liăn.

Pakĭng mê, mâu rơpŏng ối veăng tơlo tơ’nôm kơxô̆ liăn vâ pro toăng hngêi ki lĕm. Tung hâi diâp hngêi, on tơhrik Dak Lak diâp rêm rơpŏng môi kơxuô tơmeăm kơnâ 5 rơtuh liăn vâ roê kế tơmeăm xúa tung hngêi. Hdrối mê, xuân ing kơxô̆ liăn tŏng gum ing Kŏng ti xiâm on tơhrik peăng Tơdế Tơnêi têa, on tơhrik Dak Lak hiăng pro 2 toăng hngêi hiâm mơno hơ-ui ăm mâu rơpŏng ki châ tơnêi têa tŏng gum a tơring Buôn Đôn, kong pơlê Dak Lak.