Vi ƀan kuăn pơlê kong pơlê Gia Lai nếo pơkâ kĭ tơdroăng Tơkêa bro mơnhông ƀă mơdêk tơƀrê tơdroâng hnê a mâu hngêi trung phôh thong hnê kuăn ngo ai tíu kâ koi ối pơtê, ƀă hngêi trung kâ koi pơtê kơhâi dế pơla hơnăm 2025-2030, ƀă tâi tâng kơxô̆ liăn lối 728 rơtal liăn. Tơdroăng tơkêa bro tơniăn hnoăng hriâm ăm mâu hok tro kuăn ngo, vâ ai mơngế ki rơkê vâ xúa tung mơnhông cheăng kâ kơpong hơngế hơngo.

Kong pơlê pơkâ mơdêk kolo hok tro hriâm hngêi trung râ má pái hnê kuăn ngo ối kâ koi pơtê tâk lối 1.500 hok tro a hơnăm 2028-2029. Kong pơlê tơkŭm mơdêk tơdroăng hnê hriâm ing tơdroăng hnê mâu ngế pro thái cô, malối thái cô hnê nâl Jarai, Bơhnéa; mơdêk hriâm hnê, hnê tơdroăng rêh ối, ƀă pơtối rak túa lĕm tro kuăn ngo.