Hâi lơ 6/2, Vi ƀan hnê ngăn kong pơlê Gia Lai tơkŭm po rôh trâm mâ 230 ngế cho teăng mâ mâu ngế ki rơkê plĕng ‘na văn ngê̆ sih ƀă khu chêh hlá tơbeăng pêi cheăng a kong pơlê. Tiô Vi ƀan hnê ngăn kong pơlê Gia Lai, hơnăm 2022, tâi tâng mâu tơdroăng ki pêi pro châ pêi dêi kong pơlê tâk a kơlo tâk 9,27% tâng vâ pơchông ƀă hơnăm 2021; pêi lo liăn rêm ngế châ 60,45 rơtuh liăn.

Kăn pơkuâ Vi ƀan hnê ngăn kong pơlê Gia Lai tối tiah kố, châ ai tơdroăng kố, cho ai tơdroăng ki tơrŭm, môi tuăn dêi khu pơkuâ tơdroăng kal kí, tâi tâng kuăn pơlê. Tung mê, ai ivá veăng kum ôh tá iâ dêi mâu khu ki rơkê plĕng, văn ngê̆ sih ƀă khu chêh hlá tơbeăng a kong pơlê.

Khu ki rơkê plĕng văn ngê̆ sih ƀă khu chêh hlá tơbeăng xuân kơhnâ mơđah tơbleăng mâu tơdroăng ki ai hlâu ki rơdêi ƀă mâu tơdroăng ki kơjo kum mơ’no liăn pêi cheăng tơ’mot mơ’no pêi cheăng a Gia Lai; mơhnhôk mâu ngế ki kơhnâ rơkê pêi pro mâu tơdroăng ki lĕm tro.