Hneăng hôp mơhnhôk lối 100 khu tê mơdró veăng ai mâ. A kố, klêi kơ’nâi trâm tơdrêng khu tơrŭm cheăng, ti tăng plĕng tơdroăng, tơpui tơno mâu tơdroăng ki kal ƀă tŭm ‘na tơdroăng kal vâ ƀă ivá tê ngi kong têa ê tơmeăm khoăng, 18 khu tê mơdró Hàn Quốc hiăng 42 mơ-éa chô vế tơrŭm cheăng pêt mơjiâng ƀă tê tơmeăm ƀă mâu khu tê mơdró kơpong Tây Nguyên.

Tung mê, ki hên cho mâu tơmeăm ki má môi dêi kơpong môi tiah kơphế, pơ’leăng mak-ka, plâi kâ, kơchâi drêh plâi pôm tŭm túa...Klêi kơ’nâi kĭ tơkêa mơ-éa chôu vế, péa pâ kô pơtối tơpui tơno, môi tuăn i nhên vâ kĭ tơkêa pêt mơjiâng ƀă tê tơmeăm. Pôa Trần Hải Linh, Kăn cheăng tung Tíu xiâm Mât trâ̆n Tơnêi têa Việt Nam, Kăn hnê ngăn Khu Tê mơdró ƀă Mơ’no liăn cheăng Việt Nam – Hàn Quốc tối ăm ‘nâi, khu đi đo rơtế ƀă mâu khu tê mơdró vâ tŏng gum ăm tơdroăng pêi pro rơdêi tê mơdró ƀă tơrŭm Việt Nam – Hàn Quốc rế hía rế prôk trâu châ tơƀrê.