Ƀă troăng hơlâ “Tơrŭm - Môi tuăn - Rak tro luât - Pêi cheăng dâi khât - Mơnhông tơƀrê’’, Heăng hôp Đảng ƀô̆ kong pơlê Lâm Đồng rôh má 1, hneăng hơnăm 2025-2030 ai 498 ngế kăn teăng mâ vâ chê 119.400 đảng viên tung lâp kong pơlê veăng hôp. Kơxê hâi lơ 9/10, po hôp hbrâ, hneăng hôp pôk Khu kăn pơkuâ hnê ngăn hneăng hôp ai 15 ngế; Khu kăn rah chêh mâu tơdroăng dêi hneăng hôp ai 3 ngế; Khu Séa ngăn ai 5 ngế; Tơbleăng tơdroăng vâ tơpui a rôh hôp, luât pơkâ  hôp, luât pơkâ pêi cheăng dêi hneăng hôp; Tơbleăng mê klâ 8 Tôh mâu kăn veăng hôp tơpui tơno ‘na mâu tơdroăng tung hlá mơ-éa pơtroh ăm rôh hôp ƀă hneăng hôp mâu kăn tung lâp tơnêi têa rôh má 14 dêi Đảng.

Vâ môi tuăn ƀă tơdroăng krếo thế dêi Khu kăn Vi ƀan Tíu xiâm Măt trâ̆n tơnêi têa Việt Nam ƀă Vi ƀan Măt trâ̆n tơnêi têa Việt Nam kong pơlê Lâm Đồng veăng tơlo liăn ăm kuăn pơlê ki trâm pá xua khía mơhot kân kơxô̆ 10 pro, a rôh hôp hbrâ dêi hneăng hôp hiăng xo kơxô̆ liăn veăng tơlo ing 128 Đảng ƀô̆ dêi Tỉnh ủy Lâm Đồng ƀă kuăn pơlê veăng tơlo ƀă tâi tâng kơxô̆ liăn mê lối 27,8 rơtal liăn.