Tơdrêng ƀă lối 350 quăn kơphế ki ăm kuăn pơlê ƀă tơmối ôu tê kơtê tung hâi Leh tơbleăng kơphế Ƀuôn Ma Thuột rôh má 8 hơnăm 2023, a troăng Phan Đình Giót, bêng Tân Thành, pơlê kong kơdrâm Ƀuôn Ma Thuột kô po hên tơdroăng pêi pro ki ro ‘na tơdroăng pro kơphế ing chiâk deăng troh mơngế ki ôu.

Sap hâi lơ 19 troh hâi lơ 14/3, tơmối troh a troăng Phan Đình Giót, bêng Tân Thành, pơlê kong kơdrâm Ƀuôn Ma Thuột rơtế ƀă tơdroăng ôu kơphế tê kơtê xua 4 tíu pêi cheăng, mê cho: Kŏng ti veăng Tơlo liăn Grup Trung Nguyên, Kŏng ti  pêi cheăng tiô rơnó Môi tung Khu tê kơphế ăm ăm kong têa ê lơ 2-9  (Simexco Dak Lak), Kŏng ti pêi cheăng tiô rơnó King Coffee ƀă Kŏng ti pêi cheăng tiô rơnó Truyền thông sự kiên Pro (Inâi Ama Ama Coffee) ki pro.

Tơmối kô châ ngăn tí tăng ‘nâi plĕng tơdroăng ton nah ‘na mơhno túa lĕm tro dêi kơphế, tíu mơđah tơbeăng kơphế. Tung mê, ki tơxâng vâ tối tơdroăng pêi pro “Simexco Coffee tour” vâ ô eăng mâu kuăn pơlê ki pêt kơphế ƀă tối ăm ‘nâi tơdroăng pêi pêt kơphế ing chiâk troh mơngế ki ôu.