Leh tơbâ 93 hơnăm hâi mơjiâng Đảng ƀă 10 hơnăm mơjiâng Khu hnê mơhno tíu xiâm ‘na hbrâ mơdât kâ kơluâ, pro ôh tá tro,  hâi lơ 2/2, a Hà Nội hiăng po Leh tơbleăng Hlá mơ-éa “khŏm, mơ-eăm tơplâ mơdât kâ kơluâ, ki pro ôh tá tro, veăng mơjiâng Đảng ƀă Tơnêi têa pin rế ton rế lĕm krá rơdêi” dêi pôa Nguyễn Phú Trọng, Kăn xiâm hnê ngăn Đảng.  Kơxop hlá mơ-éa chêh ai 3 Tơdroăng: Tơdroăng ki má môi, cho mâu tơdroăng ki kân ki pôa Nguyễn Phú Trọng, Kăn xiâm pơkua hnê ngăn Đảng ai tối; Peăng tơdroăng má péa tơdjâk troh tơdroăng pêi pro hnê mơhno hbrâ mơdât kâ kơluâ, peăng tơdroăng má pái  cho ƀai chêh mơhno ki môi tuăn dêi tâi tâng kuăn pơlê tung tơdroăng hbrâ mơdât, kâ kơluâ mê.

Phŏ Yăo sư, Tiê̆n sih Lê Quốc Lý - Ngế xiâm phŏ Pơkuâ Hok viê̆n Chính trĭ Kuô̆k ya Hồ Chí Minh  ăm ‘nâi: kố cho kơxop hlá  mơ-éa ki kal cho hlá mơ-eá vâ rêm ngế đảng viên hriâm rơnêu pât dêi tơná, pôi tá pro tơdroăng ôh tá tro, tah tơdroăng ki lot tơná tung mơjiâng tơnêi têa.