Kơxo lơ 14/2, Khu xiâm ngăn ‘na chiâk ƀă mơnhông thôn pơlê tơrŭm ƀă Vi ƀan kong pơlê Lạng Sơn tơkŭm po Hôp tơpui mơdêk tê mơdró tơmeăm pêi lo ing chiâk deăng, ká xi xŏng Việt Nam - Sinuâ tung pơla nếo nôkố. A rôh hôp, mâu kăn hiăng tơpui tŭm tơdroăng ‘na tê mơdró pơla Việt Nam - Sinuâ, tơdroăng cheăng pêi dêi Quảng Tây tung tê mơdró pơla péa pâ ƀă troăng rơhlâ mơdêk tơrŭm cheăng ƀă Quảng Tây ƀă Sinuâ; Mâu Pơkâ tơdjuôm ‘na séa ngăn ôm ai rơvât pơkeăng tung mâu tơmeăm kế kâ ƀă ngăn vâ ‘nâi hôp pêi krúa tơniăn kế kâ ƀă mâu tơmeăm ki tê ăm kong têa Sinuâ; Tê tơmeăm pêi lo ing chiâk deăng, kế kâ ăm kong têa Sinuâ; tơleăng mơnhên mâu tơdroăng trâm pá, tơvâ tơvân tiô Pơkâ 248, 249.

Ing mâu tơdroăng xơpá, tơdroăng hâi pêi pro ki pro hâi tro tung pêi cheăng, kong pơlê Lạng Sơn pâ thế Chin phuh tơmâng hnê mơhno ‘no liăn cheăng mơjiâng pro tơdrêng tơdâng mâu tơmeăm khoăng, hngêi trăng, troăng klông a kơpong tíu tơkăng kong, tơmâng khât ‘na tŏng kum mơjiâng pro ahdrối a mâu kơpong tíu tê mơdró tơkăng kong ki pêi cheăng nhôm kô rĕng mơnhông tơƀrê  tung cheăng kâ vâ pro xiâm hlối tơrŭm ƀă kơpong pêi cheăng tê mơdró a tíu tơkăng kong.