Trung tươ̆ng Thái Đại Ngọc, Ngế cheăng tung Tíu xiâm Đảng, Kăn pơkuâ Kuân khu 5 mơnhên tối, khê̆n kơdeăn mâu tơdroăng tơ’noăng khê̆n kơdeăn, tơ’noăng khŏm ƀlêi trâng dêi khu lêng kring vế tơniăn Dak Lak tung 5 hơnăm hdrối.

Trung tươ̆ng Thái Đại Ngọc tối tiah kố, mâu hơnăm la ngiâ, tơdroăng a kong têa ê, tung kơpong tiô tối hdrối kô pơtối ai mâu tơdroăng ki hơ’lêh ôh tá tơniăn, pá vâ ‘nâi hdrối, tung kong pơlê Kuân khu, malối cho kong pơlê Tây Nguyên xuân cho môi tung mâu kong pơlê ki xiâm ‘na mâu tơdroăng ki ôh tá ‘nâi hdrối ôh tá tơniăn, pơkâ thế, hnoăng cheăng rak vế Tơnêi têa tung tơdroăng nếo pơkâ mơ’no rế hía rế hên. Ing mê, Kăn pơkuâ kuân khu pơkâ thế Đảng ủy-Hô̆i đong tơ’noăng khê̆n kơdeăn, Kăn pơkuâ ngăn lêng kong pơlê Dak Lak tơkŭm pơkuâ, hnê mơhno pêi pro tro mâu tơdroăng cheăng ki kal.