Xông tơpui a hneăng hôp, pôa Phạm Minh Chính, Ngế pro xiâm hnê ngăn tơnêi têa mơnê mâu ngế tê mơdró đi đo rơtế tơnêi têa, kuăn pơlê drêng dế thế chiu tro lŭp xua kong prâi pro ôh tá tơniăn, têa kân lân lu. Tối nhên hơnăm 2025, cho hơnăm má mơ’nui dêi hneăng cheăng, xuân cho hơnăm ai mâu tơdroăng pơhlêh kân dêi tơnêi têa, hdroâng mơngế drêng pêi pro roh pơhlêh ‘na tơdroăng rah xo bro lế lĕm tro khu pêi cheăng tơnêi têa; pơhlêh kơpong tơnêi râ kong pơlê ƀă pê pro troăng pêi khu râ kăn pơkuâ péa râ, pơhlêh tơdroăng ing pêi cheăng pro mơ-éa rêh ối cheăng kâ ƀă tơnêi têa hngăm ‘na pơkuâ tơmiât pêi rơkê mơnhông ƀă hbrâ tơdah kuăn pơlê, khu tê mơdró...

Ngế pro xiâm hnê ngăn tơnêi têa pói vâ pơlê pơla khu tê mơdró rơtế mơjiâng tơdroăng ki nếo, ivá nếo, kum rơtế tơnêi têa mot tung chal nếo mơnhông kro mơdrŏng, rơkê, mơnhông rơdêi.