Tung rôh pêi cheăng ƀă Kăn hnê ngăn kong pơlê Kon Tum ƀă Séa ngăn  a mâu tíu pêi cheăng Vi ƀan Kuăn pơlê tơring Đăk Hà, Khu kăn lăm séa ngăn dêi Hô̆i đong Kuăn ngo Kuô̆k hô̆i hiăng tơkŭm tăng ngăn, tối tŭm tâi tâng tơdroăng pêi pro tro tiô luât ‘na tơdroăng cheăng kăn ƀô̆ mơngế kuăn ngo, pơla hơnăm 2016-2023 dêi kong pơlê Kon Tum.

Pôa Y Thanh Hà Niê Kdăm, Ngế cheăng tung tíu xiâm Đảng, Ngế cheăng tung Vi ƀan pơkuâ Kuô̆k hô̆i, Kăn hnê ngăn Hô̆i đong Kuăn ngo dêi Kuô̆k hô̆i, ăm ‘nâi, ing tơdroăng pêi pro ăm hlo rôh séa ngăn mê, Khu kăn kô pâ thế Kuô̆k hô̆i, Vi ƀan Pơkuâ cheăng Kuô̆k hô̆i, Chin phuh, mâu kơ koan tơdjâk troh ai troăng rơhlâ, luât pơkâ vâ pê klêi mâu pơkâ dêi Luât vâ pêi tơƀrê tơdroăng cheăng rah xo, ăm hriâm tơ’nôm, pơkâ ƀă pôk pro kăn ƀô̆ ƀă mâu hdroâng kuăn ngo.