Hô̆i đong kuăn pơlê Gia Lai môi tuăn troăng hơlâ tơ’mot tơring Đăk Pơ tung pơlê kong krâm An Khê
Thứ tư, 08:46, 31/07/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Kơxo lơ 30/7, a hneăng hôp 20 (chuyên đê) hneăng hơnăm 2021 – 2026, Hô̆i đong kong pơlê Gia Lai hneăng má XII hiăng tơbleăng ăm pêi pro pơkâ môi tuăn troăng hơlâ tơ’mot mâu tíu pêi cheăng râ cheăm ƀă râ tơring hneăng hơnăm 2023 – 2025.
A hneăng hôp, mâu kăn teăng mâ hiăng tơpui ƀă têk kŏng môi tuăn tơbleăng pơkâ môi tuăn troăng hơlâ tơ’mot tơring Đăk Pơ mot tung pơlê kong krâm An Khê klêi kơ’nâi hơnăm 2030, chiâng pơlê kong krâm An Khê. Ƀă râ cheăm, a pơlê kong kơdrâm Plei Ku, môi tuăn troăng hơlâ ‘mot cheăm Tân Sơn mot tung cheăm Biển Hồ, mơjiâng tíu cheăng nếo cho cheăm Biển Hồ.
A tơring Kƀang, môi tuăn troăng hơlâ pơhlêh tơkăng, pro pơlê Lợt (ối tung cheăm Đăk Hlơ) mot tung cheăm Nghĩa An ƀă tơ’mot ki u ối nếo dêi cheăm Đăk Hlơ mot cheăm Kông Bơ La, mơjiâng tíu cheăng pơkuâ tơnêi têa cho cheăm Kông Bơ La. Klêi hneăng hôp, kong pơlê Gia Lai kô kêi đeăng mâu mơ-éa pơtroh râ ai hnoăng séa ngăn, pơkâ.
Viết bình luận