Kơxo lơ 10/2, a Hà Nội, Vi ƀan hnê ngăn kong pơlê Dak Lak tơkŭm po hôp tơbleăng Po mơdĭng Kơphế Ƀuôn Ma Thuột rôh má 8 hơnăm 2023. Po mơdĭng Kơphế Ƀuôn Ma Thuột rôh má 8 hơnăm 2023 ai inâi: “Ƀuôn Ma Thuột – Tíu troh dêi kơphế lâp plâi tơnêi” châ tơkŭm po tung pơla 5 hâi, pơxiâm sap ing hâi lơ 10/3 troh hâi lơ 14/2 hơnăm 2023, ƀă 6 khu rơtế ƀă 18 tơdroăng cheăng tê mơdró ƀă mơhno túa lĕm tro.

Kố cho môi tơdroăng ki mơhno túa lĕm tro ki kân, bro rôh vâ mơđah tơbleăng inâi kơphế Ƀuôn Ma Thuột, mơnhông kế tơmeăm sap ing kơphế dêi Việt Nam. Ing mê rế hía rế ăm Ƀuôn Ma Thuột chiâng tíu troh dêi kơphế lâp plâi tơnêi, veăng kum mơdêk ki kơnía, tối nhên hnoăng cheăng kơphế Việt Nam tung mâu kong têa lâp plâi tơnêi.

Mâu tơdroăng ki ‘na Po mơdĭng kố châ tơbleăng mơ’no đi đo a Cổng thông tin điê̆n tưh kong pơlê Dak Lak, a tíu: http://daklak.gov.vn ƀă Trang thông tin điê̆n tưh dêi Po mơdĭng Kơphế Ƀuôn Ma Thuột.