Sap hơnăm 2009 nah troh nôkố, Tơnêi têa hiăng po 9 rôh mơ’no mâu kroăng phâk ki rak tro luât drêng troh hâi leh kân dêi tơnêi têa, mơ’no lối 92 rơpâu ngế ki ai xôi rak vế pêi pro tro luât tung pơla kroăng phak, pêi cheăng, hriâm tro luât vêh ƀă dêi on veăng rơpŏng hngêi pơlê pơla.

Hơnăm kố, tiô pơkâ dêi Chin phuh, pôa Tô Lâm - Kăn xiâm hnê ngăn tơnêi têa hiăng kĭ pơkâ mơ’no mâu kroăng phak hơnăm 2024 drêng troh leh tơbâ 79 hơnăm hâi mơjiâng tơnêi têa ƀă 70 hơnăm hâi châ tơleăng lĕm Pơlê kong xiâm. Mơngế kroăng phak châ mơ’no mê cho mâu ki rak vế pêi pro tro luât tung mâu hơnăm kroăng phak, mâu ngế ki pơkâ phâk plâ rơxông hiăng châ kơdroh hơnăm phak, ngế ki dế pơkâ thế pơtê rak tro luât kroăng phak. Pơkâ mê xuân tối nhên mâu tơdroăng vâ châ mơ’no ăm tơrêm khu ngế.