Kơxo hâi lơ 6/3, a Pơlê kong kân Đà Nẵng, Khu xiâm Khu pơkuâ vâi kơdrâi Việt Nam tơkŭm po Leh diâp inâi Ngoh khên tơnôu khu lêng Kuăn pơlê ăm Khu pơkuâ vâi kơdrâi Kuân khu V. Jâ Võ Thị Ánh Xuân, Kăn xiâm phŏ hnê ngăn tơnêi têa veăng leh ƀă diâp inâi kơnía kố. Teăng mâ khu râ kăn pơkuâ Đảng, Tơnêi têa, jâ Võ Thị Ánh Xuân, Kăn xiâm phŏ hnê ngăn tơnêi têa kheăn kơdeăn ƀă pâ mơnê mâu hnoăng kân kĭn, mâu tơdroăng châ tơƀrê, tơdroăng ki pleăng kân kĭn dêi mâu rơxông vâi kơdrâi Kơpong V tung tơplâ xâ, xuân môi tiah tung tơdroăng mơjiâng ƀă gâk kring Tơnêi têa.

Inâi Ngế khên tơnôu Khu lêng kuăn pơlê cho tơdroăng ki mơnhên, nhuô̆m dêi Đảng, Tơnêi têa ƀă Kuăn pơlê pin, cho phiu ro kân ƀă mâu rơxông vâi kơdrâi kơpong V, tá mâu ngế dế rêh ƀă mơngế hiăng lêk lôi. Jâ Võ Thị Ánh Xuân tối nhên, kố xuân cho tơdroăng ki phiu ro, tơdroăng ki mơhnhôk kân ƀă vâi kơdrâi Việt Nam tối tơdjuôm ƀă kăn ƀô̆, khu tơrŭm mâu râ Khu pơkuâ vâi kơdrâi tối krê.