Ing apoăng khế 7 troh nôkố, a Sơn La kong mêi têa rơlêa hiăng pro 12 ngế hlâ, lối 2.600 toăng hngêi kuăn pơlê tro tơ’nhiê, vâ chê 30 tíu tro tơdjâk, troăng prôk, on tơhrik tơ’nhiê ó. Riân tâi tâng ki tro lŭp lối 500 rơtal liăn. Jâ Võ Thị Ánh Xuân, Kăn xiâm phŏ hnê ngăn tơnêi têa hiăng pơtroh rơkong hơlêm troh mâu kăn ƀô̆, kuăn pơlê kơpong tro têa lu a Sơn La.

Kăn xiâm phŏ hnê ngăn tơnêi têa xuân pơkâ thế Khu xiâm ngăn chiâk deăng ƀă mơnhông thôn pơlê pơkâ troăng rơhlâ tŏng kum hên tâ, kum kơpong ki hmâ tro têa luâ khía mơhot pro tơ’nhiê môi tiah Sơn La ai mâu tơdroăng hbrâ rơnáu, tơbleăng tối ăm ‘nâi hdrối, tơmeăm khoăng môi tiah lâi vâ kơdroh ki xơpá ăm kuăn pơlê, gum kuăn pơlê tơniăn tung rêh ối.

Rôh kố, jâ Võ Thị Ánh Xuân - Kăn xiâm phŏ hnê ngăn tơnêi hiăng kum kong pơlê Sơn La 700 rơtuh liăn; kơjo kum 2 tơring Mai Sơn ƀă Thuận Châu 200 rơtuh liăn tơkâ luâ xơpá xua kong mêi têa lân lu.