Tơkâ hluâ 35 hơnăm mơjiâng, mơ-eăm ƀă xông kân tíu xiâm hiăng chiâng tíu hriăn plĕng khoa hok ƀă Kŏng ngê̆ hên kơvâ cheăng ‘na nhiêt đơ̆i, loi tơngah má môi a Việt Nam, kong têa Rusi ƀă lâp plâi tơnêi. Tơdroăng châ tơƀrê hriăn plĕng dêi Tíu xiâm hiăng veăng kum kal khât tung mơnhông mơdêk khoa hok, kŏng ngê̆ tối tơdjuôm, khoa hok, kŏng ngê̆, kih thuât cheăng lêng tối krê, kum châ tơƀrê hnoăng cheăng lêng, gâk kring ƀă mơnhông cheăng kâ – rêh ối pơlê pơla tơnêi têa, tơxâng pơxúa dêi tá Việt Nam ƀă kong têa Rusi.

Xông tơpui a roh leh, teăng mâ khu râ kăn pơkuâ tơnêi têa, jâ Võ Thị Ánh Xuân rơkâu mâu tơdroăng châ tơƀrê má môi ki Tíu xiâm nhiê̆t đơ̆i Việt Nam – Rusi hiăng châ tơƀrê tung plâ 35 hơnăm hiăng hluâ, pói vâ ƀă loi tơngah, Tíu xiâm Nhiê̆t đơ̆i Việt – Rusi kô mơnhông mơdêk khôi túa rŭm môi tuăn, tơrŭm ƀă mâu tơdroăng châ tơƀrê, mơdêk ivá pơkuâ, ivá pêi cheăng dêi khu râ kăn pơkuâ cheăng Đảng, khu tơrŭm cheăng Đảng ƀă ivá pơkuâ, hnê mơhno dêi khu kăn ƀô̆, hbrâ tơbleăng, pơkâ troăng pêi ki nhên vâ thăm pêi pro rơdêi, po rơdâ tơrŭm cheăng, mơdêk ki châ tơƀrê pêi cheăng, kum păng ‘nâng hnoăng cheăng lêng, gâk kring ƀă mơnhông cheăng kâ – rêh ối pơlê pơla dêi tŭm péa pâ.