Hngêi trung Mâm non Pác Bó ai ƀăng tơnêi 1.800 met karê ƀă pro 6 kơbong hriâm, 1 toăng hngêi ăm thái cô pêi cheăng, hngêi ki pêi hên tơdroăng cheăng rơtế mâu tơmeăm tơ’nôm ki ê. Mơhé kong prâi ôh tá tơniăn, kong mêi hên la bu klêi kơ’nâi vâ chê 3 khế mơjiâng pro, hngêi hiăng trung hiăng kêi đeăng tơniăn ahdrối mot hơnăm hriâm nếo. Kố cho tơdroăng mơhnhôk kân ƀă mâu thái cô, hok tro ƀă kuăn pơlê cheăm tơkăng kong Trường Hà, tơring Hà Quảng, kong pơlê Cao Bằng ƀă xuân tơdroăng ki vâ hngêi trung Mâm non Pác Bó mơ-eăm châ plah pơkâ tơnêi têa tung la ngiâ.

Roh kố, Kăn xiâm phŏ hnê ngăn tơnêi têa ƀă khu râ kăn pêi cheăng hiăng troh têk nhâng, pleăng reăng a Tíu koh tơbâ Kăn xiâm hnê ngăn Hồ Chí Minh a kơpong tíu chôu ‘măn tơmeăm khoăng tơnêi têa ki má môi Pác Bó, cheăm Trường Hà, tơring Hà Quảng.