A roh hôp tơpui tơno, Péa kăn xiâm pơkuâ môi tuăn thăm tơrŭm tâ nếo ƀă tơno khu râ kăn xiâm ƀă mâu râ, mơdêk trâm mâ tơpui tơno pơla mâu kơ koan, tơkŭm po dêi péa pâ. Péa Kăn xiâm pơkuâ môi tuăn pơtối tơrŭm krá tơniăn, tŏng gum dêi pó a mâu roh hôp tơpui tơno kơpong ƀă lâp plâi tơnêi, ki má lối cho a Khu lâp kong têa ƀă Tơdroăng ôh tá tơdjêp.

Việt Nam phiu ro ƀă hbrâ pro kông tơdjêp vâ Nepal thăm tơrŭm ƀă ASEAN ƀă pơkâ thế Nepal pro kông tơdjêp Việt Nam mơdêk tơrŭm cheăng ƀă mâu kong têa Nam Á. Péa kăn xiâm pơkuâ môi tuăn krá tơniăn, veăng mâu tơdroăng mơ-eăm tơdjuôm lâp plâi tơnêi tung hbrâ ví kong prâi hơ’lêh, pêi pro tơkêa tơdroăng xiâm mơ’no trếo ‘mêi lo pakong ƀă 0  a hơnăm 2050 xuân môi tiah veăng tung mâu tơdroăng rak hơniâp lĕm dêi Khu lâp kong têa.