Kơxê lơ 6/2, jâ Võ Thị Ánh Xuân, teăng hnoăng Kăn xiâm hnê ngăn tơnêi têa hiăng tơdah kăn teăng mâ Brazil, pôa  Fernando Apparício da Silva koh pơlâng hiăng tâi hneăng pêi cheăng a Việt Nam. Jâ Võ Thị Ánh Xuân rơkâu pôa Fernando Apparício da Silva hiăng pê klêi hnoăng cheăng cho Kăn teăng mâ dêi kong têa Brazil a Việt Nam; Khĕn kơdeăn hnoăng pôa veăng ‘no pêi tung tơdroăng ‘mâi mơnhông ƀă mơdêk tơrŭm cheăng tŭm têk tơdroăng dêi Việt Nam - Brazil rế ai pơxúa tơƀrê.

Malối, tơpui ‘na tê mơdró pơla péa pâ pơtối rak vế ki mơdêk ing rêm hơnăm, Brazil pơtối cho kong têa rôe hên tơmeăm dêi Việt Nam a châu Mih - La tinh ƀă tơmeăm ki rôe hơnăm 2022 châ a kơlo 6,78 rơtal dollars. Tơdrêng amê, tơrŭm cheăng tung mâu tơdroăng môi tiah pêi chiâk ôm hyô, túa lĕm tro, trâm tơpui tơno ƀă kuăn pơlê pơtối châ mơdêk, tơƀrê khât.