Kơxê lơ 9/2, a pơlê kong kơdrâm Kon Tum, pôa Võ Văn Thưởng, ngế cheăng tung tíu xiâm kal kí, kăn pơkuâ hnê ngăn Tíu xiâm tơnêi têa hiăng ai rôh pêi cheăng ƀă Khu pơkuâ hnê ngăn Đảng Kon Tum ‘na klêi kơ’nâi lối 2 hơnăm tơbleăng pêi pro Pơkâ Hneăng hôp 13 dêi Đảng. Tơpui a rôh pêi cheăng, pôa Võ Văn Thưởng, ngế cheăng tung tíu xiâm Tơnêi têa, kăn pơkuâ hnê ngăn tíu xiâm Đảng tối tiah kố, ki apoăng dêi Kon Tum cho ing tơdroăng ki kŭn la ƀă ivá mơ-eăm dêi Đảng ƀă Kuăn pơlê hiăng pêi châ mâu tơdroăng ki kal; Hnoăng cheăng mơjiâng ‘mâi rơnêu Đảng châ hên tơdroăng ki tơƀrê; Hlo tơƀrê tung xing xoăng khu pơkuâ kơ koan tơnêi têa, ngăn nhuô̆m tâi tâng mâu kơvâ tung hnoăng cheăng pêi dêi kăn ƀô̆ ƀă hên ki ê.

‘Na hnoăng cheăng dêi kong pơlê Kon Tum tung la ngiâ, kăn pơkuâ hnê ngăn Đảng cho pôa Võ Văn Thưởng tối nhên: Hnoăng cheăng ki kal má môi cho tơmiât ăm kuăn pơlê. Pro tiah lâi châ hên mâu tơdroăng ki tơƀrê tung kơdroh kơtiê krá ton, tung mơdêk tơdroăng rêh ối dêi kuăn pơlê. Tơdroăng ki má péa cho rak vế gak kring pơlê pơla, cheăm bêng, gâk kring kơpong hdroâng kuăn ngo. Má pái, cho athế rak kong, rak kong kế tơmeăm khoăng rak tơniăn mơnhông rơdêi, krá tơniăn.