Kơthô rơkâu dêi Kăn xiâm pơkuâ kăch măng Cuba, Đăi tươ̆ng Raúl Castro Ruz ƀă Kăn xiâm pơkuâ hnê ngăn cheăng Đảng má môi Đảng Kŏng san Cuba, Kăn hnê ngăn tơnêi têa Kŏng hoa Cuba Miguel Díaz – Canel Bermúdez chêh: ‘’Teăng mâ Khu xiâm pơkuâ Đảng Kŏng san Cuba, ngin pâ pơtroh rơkong rơkâu klăng pôa Tô Lâm châ rah xo pro Kăn xiâm pơkuâ hnê ngăn Đảng Kŏng san Việt Nam’’.

Mơ-éa ki kal chêh rơkâu dêi pôa Kim Jong-un, Kăn xiâm pơkuâ hnê ngăn Đảng Lao động Triều Tiên chêh: ‘’Châ ‘nâi pôa Tô Lâm châ rah xo pro Kăn xiâm pơkuâ hnê ngăn Đảng Kŏng san Việt Nam, á pâ pơtroh troh pôa rơkong rơkâu tá hiâm mơno. Rơkâu Đảng Kŏng san Việt Nam ƀă tâi tâng kuăn pơlê Việt Nam, ing pơkuâ dêi pôa, kô châ tơƀrê kân tâ mê nếo tung tơdroăng mơjiâng chuh ngiah pơlê pơla’’. 

Rơkâu Đảng Kŏng san Việt Nam ƀă tâi tâng kuăn pơlê Việt Nam, ing pơkuâ dêi pôa Tô Lâm, kô châ tơƀrê kân tâ mê nếo tung tơdroăng mơjiâng chuh ngiah pơlê pơla’’. Mơ-éa chêh ki kal rơkâu dêi pôa Kishida Fumio, Ngế pro xiâm hnê ngăn kong têa Nhuk chêh: ‘’Á pâ pơtroh rơkong rơkâu tá hiâm mơno troh pôa Tô Lâm klăng pôa châ rah xo pro Kăn xiâm pơkuâ hnê ngăn Đảng Kŏng san Việt Nam... Á loi tơngah kuăn pơlê Việt Nam rế hía krá tơniăn ó rơdêi ing pơkuâ rơkê má môi dêi Pôa’’.