Kăn xiâm chêh tôm xo rơkong kheăn kơdeăn hnoăng pơkuâ xiâm dêi pôa Nguyễn Phú Trọng - Kăn xiâm pơkuâ hnê ngăn Đảng ƀă mơnhên ing pơkuâ dêi Kăn xiâm pơkuâ hnê ngăn Đảng, Việt Nam hiăng pơtối mơnhông hluâ pơkâ ƀă chiâng khu tơrŭm rế hía rế kal dêi Khu lâp kong têa. Teăng mâ Khu lâp kong têa, Kăn xiâm chêh tôm xo rơkong pơtroh rơkong hơlêm păng ‘nâng troh Chin phuh, kuăn pơlê Việt Nam ƀă rơpŏng pôa Nguyễn Phú Trọng - Kăn xiâm pơkuâ hnê ngăn Đảng.

Pôa  Dennis Francis - Kăn xiâm hnê ngăn Grup kring vế Khu lâp kong têa hneăng má 78 xuân hiăng trâm mâ pôa Đặng Hoàng Giang, Kăn teăng mâ, Kăn pơkuâ Khu hnê mơhno má môi Việt Nam a Khu lâp kong têa ƀă pơtroh rơkong hơlêm păng ‘nâng dêi krê pôa ƀă tâi tâng Grup kring vế Khu lâp kong têa troh Tơnêi têa ƀă kuăn pơlê Việt Nam. Kăn xiâm hnê ngăn Grup kring vế Khu lâp kong têa hơlêm tơdroăng ki hía kân dêi kuăn pơlê Việt Nam ing tơdroăng ki lêk lôi dêi môi kăn xiâm pơkuâ hnê ngăn tá hiâm mơno xua tơnêi têa.