Châ ‘nâi tơdroăng Peăng mâ hâi lo pá hdroh kong têa Kŏng hoa Thổ Nhĩ Kỳ ƀă kơpong peăng Kơnhŏng kong têa Kŏng hoa Arab Syria nếo ai môi roh tơnêi tơtro têi râ ó pro rơpâu ngế hlâ, chât rơpâu ngế tro rong, hên hngêi trăng ƀă tơmeăm tro tơ’nhê, teăng mâ Kuô̆k hô̆i kong têa Kŏng hoa xah hô̆i chuh ngiah Việt Nam ƀă mâu ngế krê, pôa Vương Đình Huệ hiăng pơtroh kơthơ hơlêm ƀă kơ-êng tá hiâm mơno troh Kăn xiâm hnê ngăn Kuô̆k hô̆i kong têa Thổ Nhĩ Kỳ ƀă Kăn xiâm hnê ngăn Kuô̆k hô̆i kong têa Kŏng hoa Arab Syria ƀă Kuô̆k hô̆i, Kuăn pơlê péa tơnêi têa.

Pôa Vương Đình Huệ loi tơngah Tơnêi têa, kuăn pơlê Thổ Nhĩ Kỳ ƀă Tơnêi têa, kuăn pơlê Syria rĕng tơkâ hluâ hneăng pá puât, pơloăng mơnúa kố, rak tơniăn tơdroăng rêh ối, cheăng kâ – pơlê pơla. Pôa Vương Đình Huệ mơnhên, cho ngế pú hmâ achê dêi Thổ Nhĩ Kỳ, Syria, Việt Nam đi đo rơtế kuăn pơlê Thổ Nhĩ Kỳ a drêng pá puât kố, hbrâ rơtế mâu kong têa lâp plâi tơnêi veăng tŏng kum Thổ Nhĩ Kỳ rơnêu rak tơniăn tơmeăm khoăng xua tơnêi tơdro têi ó ing ivá dêi tơná.