Tung roh lăm pôu pêi cheăng păng ‘nâng kong têa Rusi, a tíu pêi cheăng Kơ koan teăng mâ Việt Nam, Pơlê kong xiâm Moscow, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu râ kăn teăng mâ xiâm Kuô̆k hô̆i Việt Nam hiăng trâm mâ, tơpui tơno ƀă kăn ƀô̆, nhân viên Kơ koan teăng mâ ƀă teăng mâ mâu ngế Việt Nam a kong têa Rusi.

Tơpui tơno ƀă mâu ngế Việt Nam a kong têa Rusi, pôa Trần Thanh Mẫn, Kăn xiâm hnê ngăn Kuô̆k hô̆i hiăng tối ‘na tơdroăng kal kí, cheăng kâ, rêh ối pơlê pơla dêi tơnêi têa. Kăn xiâm hnê ngăn Kuô̆k hô̆i kheăn kơdeăn hiâm mơno rŭm môi tuăn dêi mơngế Việt Nam a kong têa Rusi, ƀă 60 rơpâu ngế pêi cheăng tung hên kơvâ cheăng môi tiah hriâm tâp, pêi cheăng tơnêi têa, pêi cheăng kâ, mơjiâng tơmeăm, tê mơdró ƀă hiăng mơjiâng châ khu rŭm môi tuăn.

Kăn xiâm hnê ngăn Kuô̆k hô̆i mơnhên, troăng hơlâ môi tuăn sap apoăng troh tá tui lui dêi Đảng ƀă Tơnêi têa pin đi đo tơmâng ƀă nhuô̆m mơngế hdroâng kuăn ngo ƀă ki kal gum thăm tơrŭm cheăng, nhŏng o pơla Việt nam ƀă mâu kong têa.