Drêng tơbâ 95 hơnăm hâi mơjiâng Khu xiâm ngăn pêi cheăng pêi Việt Nam, kơxo lơ 28/7, a Cung Việt Xô, Pơlê kong kân Hà Nội, Khu xâm ngăn pêi cheăng Việt Nam tơkŭm po Leh diâp pro Nguyễn Văn Linh” rôh má pŭn; khĕn kơdeăn Kăn xiâm hnê ngăn Kŏng đoân kong pơlê, khu mơdró kâ dêi kong pơlê ki kơhnâ rơkê tung lâp tơnêi têa rôh má 5 ƀă tơdah, Mê dái Pêi cheăng ối má Môi dêi kăn xiâm hnê ngăn tơnêi têa diâp ăm ăm Khu xiâm ngăn pêi cheăng Việt Nam. Pôa Trần Thanh Mẫn, Kăn xiâm hnê ngăn Kuô̆k hô̆i khĕn kơdeăn veăng ai mâ ƀă tơpui a rôh leh.

Teăng mâ kăn pơkuâ hnê ngăn Đảng, Tơnêi têa, pôa Trần Thanh Mẫn, Kăn xiâm hnê ngăn Kuô̆k hô̆i khĕn kơdeăn mâu tơdroăng ki hiăng pêi pro klêi tơƀrê dêi khu tơrŭm Kŏng đoân, khu đoân viên, ngế pêi cheăng tung lâp tơnêi têa hăng châ pêi tơƀrê tung 95 hơnăm hdrối; tơkŭm rơkâu 10 ngế kăn ƀô̆ Kŏng đoân châ diâp pri Nguyễn Văn Linh ƀă 95 ngế kăn hnê ngăn Kŏng đoân kong pơlê, khu mơdró kâ kong pơlê ki kơhnâ rơkê, châ khĕn kơdeăn, diâp pri.

Pôa Trần Thanh Mẫn - Kăn xiâm hnê ngăn Kuô̆k hô̆i pơkâ thế, Kŏng đoân rêm râ pơtối tơbleăng tơƀrê Pơkâ Hneăng hôp khu kăn lâp tơnêi têa rôh má 13 dêi Đảng; Pơkâ kơxô̆ 02 dêi Khu xiâm pơkuâ tơdroăng kal kí ‘na pơhlêh nếo tơkŭm po ƀă pêi pro dêi Kŏng đoân Việt Nam tung tơdroăng nếo ƀă mâu troăng hơlâ pơkâ dêi Đảng, Luât dêi Tơnêi têa ‘na tơkŭm po, pêi hnoăng cheăng dêi Kong đoân.