Tung kơthô chêh rơkâu, Ngế pro xiâm hnê ngăn kong têa Singapore loi khât tơdroăng tơrŭm krá kâk pơla Singapore ƀă Việt Nam kô pơtối châ mơnhông tơƀrê ai pôa Tô lâm - Kăn pơkuâ hnê ngăn Đảng, Kăn xiâm hnê ngăn tơnêi têa. Pôa Lý Hiển, Kăn xiâm chêh tôm xo rơkong Đảng Hành động Nhân dân Singapore tối, Singapore đi đo  vâ pêi mâu tơdroăng rơtế ƀă Việt Nam tăng ‘nâi plĕng mâu tơdroăng cheăng kâ ƀă tơdroăng vâ pêi tung kơpong, po rơdâ tơrŭm cheăng ƀă  pêi trâu tâ nếo tơrŭm cheăng pơla péa Đảng, mơnhông tơrŭm pơla péa tơnêi têa rế tơƀrê tâ nếo.

Ngế pro xiâm hnê ngăn kong têa Australia rơkâu pôa Tô Lâm châ rah xo pro Kăn xiâm pơkuâ hnê ngăn Đảng Kŏng sản Việt Nam, tối Australia ƀă Việt Nam cho mâu ngế pú krá kak, tơrŭm cheăng péa tơnêi têa rế krá kal pơla kuăn pơlê péa tơnêi têa ƀă loi nhoăm tơdroăng kal kí. Đảng Kŏng sản Mih tối hlê plĕng trâu pôa Tô Lâm - kăn xiâm pơkuâ ngăn Đảng, Kăn xiâm hnê ngăn tơnêi têa ‘na troăng hơla chuh ngiah Mác- Lênin ƀă mâu luât dêi Đảng Kŏng sản Việt Nam hiăng pơkâ pêi tiô túa pơkuâ hnê hiĕn plĕng tơdroăng ki nếo ƀă tơviah krê dêi pôa, veăng mơnhông Việt Nam chiâng môi pơlê pơla rêh ối cheăng kâ tiô túa nếo, ai tơdroăng cheăng kâ mơnhông tiô troăng hơlâ xah hô̆i chuh ngiah, môi tơnêi têa ai kơlo rêh ối rế tơƀrê.