Kơxo hâi lơ 25/7, Leh pôu ngăn pôa Nguyễn Phú Trọng - Kăn xiâm pơkuâ hnê ngăn Đảng châ tơkŭm po a Hngêi mơdâm pôa a hngêi mơdâm kiâ râ Tơnêi têa kơxô̆ 5 Trần Thánh Tông, Pơlê kong kân Hà Nội; Hngêi hôp kân Thống Nhất, Pơlê kong kân Hồ Chí Minh ƀă a pơlê xiâm tơná pôa cheăm Đông Hội, tơring Đông Anh, Pơlê kong kân Hà Nội. Hiăng ai hên mâu kăn kong têa ê troh pôu ngăn pôa Nguyễn Phú Trọng - Kăn xiâm pơkuâ hnê ngăn Đảng.

Khu kăn Kŏng hòa Cuba xua pôa Esteban Lazo Hernandez  Kăn xiâm hnê ngăn Kuô̆k hô̆i pơkuâ djâ mâu kăn, mot pôu ngăn pôa Nguyễn Phú Trọng - Kăn xiâm pơkuâ hnê ngăn Đảng. Hdrối mê, Kuô̆k hô̆i Cuba xuân tơbleăng vâ pro leh mơdâm 2 hâi tơbâ kơ Kăn xiâm Việt Nam. Khu kăn xiâm Hàn Quốc xua pôa Han Duck Soo, Ngế pro xiâm hnê ngăn kong têa, Ngế kum pêi hnoăng cheăng ăm Kăn xiâm pơkuâ kong têa Hàn Quốc pro ngế ki djâ khu kăn lăm pôu ngăn pôa Nguyễn Phú Trọng - Kăn xiâm pơkuâ hnê ngăn Đảng.

Khu kăn xiâm tơrŭm Châu Âu (EU) xua ngế kăn teăng mâ xiâm pơkuâ ‘na kring vế tơniăn ƀă tơpui kâ dêi EU, pôa Josep Borrell - Kăn xiâm phŏ hnê ngăn Vi ƀan châu Âu pơkuâ djâ khu kăn  lăm pôu ngăn pôa Nguyễn Phú Trọng - Kăn xiâm pơkuâ hnê ngăn Đảng.