Hâi lơ 29/11, jâ Võ Thị Ánh Xuân, Kăn xiâm phŏ hnê ngăn tơnêi têa rơtế Khu râ kăn teăng mâ Kuô̆k hô̆i kong pơlê An Giang hiăng ai roh trâm mâ kuăn pơlê klêi kơ’nâi hneăng hôp má 4, Kuô̆k hô̆i hneăng má XV a tơring Châu Phú. Xông tơpui a roh trâm mâ kuăn pơlê, jâ Võ Thị Ánh Xuân tối mơhé Châu Phú ôh tá xê tơring tơ’lêi hlâu mơhnhôk mơ’no liăn cheăng tâng pơchông ƀă tơdâng tơdjuôm dêi kong pơlê laga ƀă troăng tơmiât, troăng pêi dêi khu râ kăn pơkuâ xuân môi tiah tơdroăng môi hiâm mơno dêi kuăn pơlê hiăng pro Châu Phú chiâng tíu mơhnhôk mơ’no liăn cheăng.

Ƀă ki tơ’lêi hlâu dêi môi kong pơlê pêi chiâk deăng, tơring ki krê phá dêi tơdroăng pêi chiâk deăng, thôn pơlê môi tiah Châu Phú, jâ Võ Thị Ánh Xuân pói tơngah kong pơlê An Giang, tơring Châu Phú ƀă kuăn pơlê kô hbrâ pơ’lêh, kâi trâng ƀă tơdroăng ki nếo vâ kô rĕng châ ‘nâi roh tơ’lêi hlâu, mơjiâng tơdroăng mơnhông mơdêk kơvâ pêi chiâk deăng kong pơlê.