Ƀă hiâm mơno ‘nâi pâ mơnê ó khât, mâu kăn xiâm pơkuâ Đảng, Tơnêi têa hiăng tơbâ troh kăn xiâm hnê ngăn tơnêi têa Hồ Chí Minh, ngế kăn pơkuâ ki rơkê plĕng, Ngế ngoh khên tơnôu Tơleăng lĕm hdroâng mơngế, Ngế ki hiăng pleăng plâ rơxông ăm kuăn pơlê, ăm tơnêi têa, pơkuâ djâ Đảng pin, kuăn pơlê pin pêi chiâng mâu tơdroăng ki ƀlêi trâng khên tơnôu, pro rơ’eăng hdroâng mơngế pin, tơnêi têa têa pin. Rơvĭng reăng dêi Khu kăn pleăng ai chư chêh “Plâ rơxông pâ mơnê Pôa Hồ Chí Minh khên tơnôu”.

Kăn xiâm hnê ngăn tơnêi têa hneăng apoăng Hồ Chí Minh prôk hngế hiăng châ 55 hơnăm, la Hlá mơéa chêh ‘măn pơchân dêi Pôa đi đo cho tơdroăng ki trâ pơkuâ djâ troăng, séa bâ ăm tâi tâng Đảng, tâi tâng kuăn pơlê ƀă tâi tâng khu lêng pin krá rơdêi pro chiâng kăch măng. Pêi pro tiô hlá mơéa chêh pơchân dêi Pôa, tâi tâng Đảng, tâi tâng kuăn pơlê, tâi tâng khu lêng pin mơeăm, khŏm pêi pro ƀlêi chiâng mâu tơdroăng pơkâ, hnoăng cheăng ki Pơkâ Hneăng hôp rôh má 13 dêi Đảng hiăng mơ’no.