Kơmăng hâi lơ 28/2, a tíu pêi cheăng Khu xiâm tơpui kâ Tơnêi têa, pôa Lê Hoài Trung, Ngế cheăng tung tíu xiâm Đảng, Ngế xiâm tơpui kâ Tơnêi têa, hiăng ai rôh tơpui phôn tơdrêng ƀă pôa Emilio Lozada Garcia, Ngế xiam tơpui kâ Khu pơkuâ hnê ngăn Đảng Kŏng san Cuba.

A rôh tơpui phôn, péa ngế xiâm tơpui kâ Tơnêi têa hiăng môi tuăn péa Khu tơpui kâ Tơnêi têa pơtối tơrŭm krá tơniăn tung tơkŭm po mâu tơdroăng ki pơtroh mâu khu kăn xiâm pơla péa Đảng, péa tơnêi têa; mơdêk rơdêi hnoăng cheăng tung hnoăng cheăng tí tăng ‘nâi plĕng, pơkâ kơtăng tơdroăng tơbleăng mâu tơdroăng tơkêa khu ra kăn xiâm pơla kăn pơkuâ péa Đảng ƀă péa Tơnêi têa, séa ngăn kơtăng mâu tơdroăng ki kal hiăng tơkêa ki péa pâ rơtế vâ ‘nâi plĕng, veăng kum ‘mâi mơnhông ivá tơrŭm cheăng kal kí pơla Đảng Kŏng san Việt Nam ƀă Đảng Kŏng san Cuba, mơdêk tơrŭm cheăng tung tâi tâng pơla péa tơnêi têa rế hía rế po rơdâ, tơƀrê tâ tung la ngiâ.