Cho tung mâu tơdroăng pêi pro tung khế Droh rơtăm ƀă Khế pái tíu tơkăng kong hơnăm 2023, ‘núa prê têa kơxĭ cheăm Giao Hải, tơring Giao Thủy, Nam Định, Đông mố đô̆i tơkăng kong Quất Lâm, Mố đô̆i tơkăng kong Nam Định rơtế ƀă Viện Việt Nam học ƀă Khoa hok mơnhông mơdêk - Đại hok Quốc gia Hà Nội, Vi ƀan hnê ngăn kuăn pơlê cheăm Gia Hải ƀă mâu tíu pêi cheăng ki ê tơrŭm ƀă pêi pro tơdroăng “Thế mơgrúa lĕm têa kơxĭ: pơxá “Tơdjuôm dêi rơpó pro mơgrúa têa kơxĭ Giao Hải - rơtế pro ăm Têa kơxĭ thăm krúa ngiât lĕm.

Ƀă tơdroăng pêi dêi lối 400 ngế kăn bô̆, mâu lêng, hok tro, sinh viên, đoân viên, droh rơtăm rơtế lo tơm gô̆m mâu xok mơgrúa ăm krúa lĕm hyôh kong prâi a ‘núa prêi têa kơxĭ  Giao Hải. Tơdroăng mơhnhôk vâ kum mâu kăn ƀô̆, hok tro, sinh viên, đoân viên droh rơtăm ƀă mâu kuăn pơlê hlê tơdroăng pêi cheăng tôm, gô̆m xok chhá ki vâi hvât lôi a kơpong kĭng têa kơxĭ Giao Hải, ‘nâi xiâm ki mơ‘no, túa ok xok chhá ki hlo hên, plĕng tơdroăng tơdjâk troh dêi xok chhá troh tơdroăng pro mơgrúa lĕm ‘na nhâ loăng kuăn kiâ ƀă tung kuăn pơlê a pơlê cheăm.

Ing mê, thăm mơdêk hlê plĕng tung kuăn pơlê ‘na ok xok hmâng vâ, krếo thế rêm ngế rơtế veăng tôm, gô̆m xôk vâ mơgrúa hyôh kong prâi a têa kơxĭ, pro ăm tơdroăng rêh ối ngiât lĕm, túa rêh ối lĕm ro, tơdroăng hmâ rêh ối ai pơxúa, xua kuăn pơlê ƀă hía hé.