Hneăng hơnăm 2018 – 2024, a Tây Nguyên hiăng ai hên troăng pêi tâi tâng kuăn pơlê gâk kring Tơnêi têa, cho tíu ki eăng tiô troăng pơkuâ xêh, hbrâ xêh, gâk kring xêh, ai tơdroăng pêi mơnhông pơlê pơla ton xŏn, châ pơlê pơla mơngế hdroâng kuăn ngo môi tuăn, thăm veăng. Hên ngế krê hâk vâ veăng, tŏng kum mâu khu tung tơdroăng tơniăn pơlê pơla, pơtâng tối mơhnhôk kuăn pơlê kơchăng hdrối mâu tơdroăng ki tăng troăng ‘mêi, tơdroăng pro tơklâ rŭm môi tuăn hdroâng kuăn ngo, hbrâ mơdât mâu ngế xôi, mâu ngế xôi pơlê pơla, hbrâ tơpâ on chếo, gâk kring troăng tơkăng kong, tơneăn tơkăng kong, rak vế kong prâi.

A hneăng hôp, Khu xiâm pơkuâ Kŏng an hiăng diâp ƀâng kheăn kơdeăn ăm 86 khu pú hên, ngế krê ki kơhnâ rơkê teăng mâ ăm mâu troăng pêi, ki má môi rơkê tung tơdroăng tâi tâng kuăn pơlê gâk kring Tơnêi têa kơpong kuăn pơlê hdroâng kuăn ngo kơpong Tây Nguyên hneăng hơnăm 2018 – 2024.