Khu hơnăm ối nếo lăm pleăng tơná veăng kơjo kum pêi cheăng a tâi tâng 102 to cheăm, bêng tung kong pơlê Dak Lak. Rêm đô̆i kô ai dâng 20 ngế droh rơtăm dêi mâu khu ing: kăn ƀô̆, mâu kăn pơkuâ, vâi pêi pêi cheăng ăm tơnêi têa hơnăm ối nếo, kŏng an, thái kô hơnăm ối nếo, sinh viên, hok tro râ má pái phôh thong ki dế veăng pêi hnoăng cheăng a rơnó pơtê hriâm dêi mâu cheăm bêng tung kong pơlê.

Tung 2 khế rơnó pơtê hriâm, mâu hơnăm ối nếo kô hnê kuăn pơlê pro hlá mơ-éa; tơdroăng pêi tiê a kơmăi; cài đặt ƀă xúa tài khoản định danh điê̆n tưh; kơjo kum kuăn pơlê xúa Cổng dịch vụ công tơnêi têa ƀă kong pơlê; tơbleăng ƀă điê̆n tưh tiô hneăng, xúa tơdroăng chêh pro hlá mơ-éa ƀă kơxô̆ tiô hmâ dêi kơvâ cheăng. Hnê kuăn pơlê xúa tơdroăng chêh pro hlá mơ-éa lơ nâp liăn ƀă kơmăi tiô troăng hyôh.