Sap apoăng hneăng hôp kân má 13 dêi Đảng ƀô̆ Khô̆i troh nôkố, Đảng ủy Khô̆i ƀă rêm râ ủy tung khu hiăng pơhlêh hên ‘na tơdroăng cheăng ƀă troăng pơkuâ hnê mơhno, pơhlêh hên tung mâu tơdroăng cheăng. Tơbleăng a rôh pêi cheăng , pôa Lương Cường, Kăn hnê ngăn Đảng pơkâ thế, tung la ngiâ Đảng ƀô̆ Khối kal mơdêk tâ nếo hnoăng cheăng pêi, tơdroăng pêi dêi Đảng ƀô̆ Khô̆i tung mơjiâng, ‘mâi rơnêu Đảng ƀă tơdroăng kal kí, ai tiô pơkâ pêi cheăng tung tơdroăng nếo nôkố.

Kal nhoăm ki tơbrê tung tăng ‘nâi plĕng, pơkâ luât cheăng dêi mâu kơ koan xiâm tung pơla tơbleăng pêi tâi tâng mâu kơvâ cheăng dêi tơdroăng rêh ối, xuân môi tiah tơdroăng mơjiâng Đảng.