Veăng tung rôh kơ-êng ƀă tiâ mơnhên vâ séa ngăn tơdroăng ki pêi pro dêi Chin phuh, mâu khu xiâm, kơvâ cheăng ƀă 6 tơdroăng pơkâ ‘na kơ-êng ƀă séa ngăn tơdroăng kal dêi Vi ƀan pơkuâ Kuô̆k hô̆i ing apoăng hneăng cheăng Kuô̆k hô̆i hneăng 15 troh tâi hơnăm 2023, a tíu mơ’no Dak Lak, jâ Nguyễn Thị Thu Nguyệt, kăn Kuô̆k hô̆i ki lo ing kong pơlê Dak Lak kơ-êng kơ Ngế xiâm ngăn chiâk deăng ƀă mơnhông thôn pơlê ‘na hnoăng cheăng pôu râng dêi kơvâ pêi chiâk deăng tung hnoăng cheăng túa pơkâ ƀă mơjiâng bro túa pơkâ.

Klêi kơ’nâi hmâng rơkong tiâ dêi pôa Nguyễn Minh Hoan, Ngế xiâm ngăn chiâk deăng ƀă Mơnhông thôn pơlê, jâ Nguyễn Thị Thu Nguyệt, ngế kăn Kuô̆k hô̆i ki lo ing kong pơlê Dak Lak tối: Ngế xiâm hiăng ai mâu rơkong tiâ mơnhên nhên khât. Ngế xiâm ngăn Chiâk deăng ƀă Mơnhông thôn pơlê xuân ai mâu troăng tơmiât hnê mơhno. La tơdroăng ki ai khât nôkố tung tơdroăng mơnhông kơvâ pêi chiâk deăng a rêm kong pơlê ƀă tiô rêm tơdroăng ki púi vâ dêi kuăn pơlê.