Tơbleăng a rôh pêi cheăng, pôa Pham Đình Trạc, Ngế pơkuâ Khu cheăng tăng ‘nâi plĕng mâu tơdroăng tối ăm tíu xiâm mâu tơdroăng kal tơtrŏng tung tơdroăng tí tăng ngăn dêi khu lăm séa ngăn. Pơkâ thế mâu ngế tung Khu lăm séa ngăn tơrŭm krá ƀă râ ủy, Khu tơrŭm cheăng Đảng, kơ koan, tíu pêi cheăng châ séa ngăn pêi klêi pơkâ, ƀă mâu tơdroăng ki kal tơtrŏng vâ tung pơla séa ngăn pêi ‘ló, tro pơkâ dêi Đảng ‘na tơdroăng tăng ngăn pro tơniăn ai pơxúa, tơƀrê.

Xiâm ki mơ’nui dêi tơdroăng séa ngăn cho veăng ‘no hnoăng pêi ai pơxúa tâ, tơƀrê tâ tơdroăng pơkâ hneăng hôp má 13 dêi Đảng, tơdroăng pơkâ hneăng hôp Đảng ƀô̆. Tơdroăng séa ngăn ki kal má môi cho hlo mâu tơdroăng ki mơ-eăm, mâu tơdroăng pêi châ tơƀrê, mâu tơdroăng hriăn plĕng ki nếo, mâu túa pêi ki tro ‘ló, túa pêi cheăng ki tro ƀă mâu tơdroăng xơpá, tơvâ tơvân kal thế tah lôi.