Pôa Trần Lưu Quang, Ngế pro xiâm phŏ hnê ngăn Chin phuh hiăng pơkuâ po rôh pêi cheăng. Mâu tơdroăng tối rơdêi, Tây Nguyên ai hên ki pơxúa tung mơnhông cheăng kâ môi tiah: pêi chiâk deăng, kơmăi kơmok uâ pơliê tơmeăm pêi lo ing chiâk deăng, loăng pơlái, on tơhrik vêh bro, mơnhông mơdêk cheăng kơmăi kơmok, uâ bro bauxite, mơjiâng ôm hyô tro ƀă túa lĕm tro hdroâng kuăn ngo.

Laga, mơnhông cheăng kâ kopong tá hâi hlo tơƀrê, mâu kơvâ cheăng kâ ki kal veăng kum tá hâi nhên. Kăn pơkuâ mâu kong pơlê kơpong Tây Nguyên tối tiah kố, ƀă tíu ối tung la ngiâ, Tây Nguyên kal ai troăng hơlâ xiâm vâ kơpong mơdêk ki rơdêi, hluăn ing kơpong thông dêi lâp tơnêi têa. Môi tuăn ƀă túa tơmiât mê, pôa Trần Lưu Quang, Ngế pro xiâm phŏ hnê ngăn Chin phuh tối nhên,Tây Nugyên cho kơpong đi đo a hnoăng cheăng, tíu ối tung la ngiâ tơviah ki kal ‘na cheăng kâ, kal kí, pơlê pơla, cheăng lêng, gâk kring dêi lâp tơnêi têa, mê ngăn tơdjuôm cho kal ai tơdroăng kơjo troăng hơlâ, liăn ngân ăm kơpong kố tung la ngiâ.