Kơxo hâi lơ 10/12 Khu kăn séa ngăn dêi Vi ƀan Kuăn ngo xua pôa Võ Văn Bảy- Kăn cheăng séa ngăn Vi ƀan Kuăn ngo pro ngế ki pơkuâ djâ  khu kăn hiăng ai rôh pêi cheăng ƀă Vi ƀan kuăn pơlê kong pơlê Dak Lak vâ tơbleăng tơdroăng tơpui rôh hôp Mơgêi séa ngăn tơdroăng pêi pro Tiô pơkâ dêi tơnêi têa mơnhông cheăng kâ - rêh ối pơlê pơla kơpong kuăn ngo ƀă kong ngo pơla hơnăm 2021-2030, pơla roh má 1: 2021 - 2025 (ki vâi tối Tơdroăng 1719 a kong pơlê Dak Lak. Tiô tối tơbleăng mơgêi, tơdroăng 1719 a Dak Lak hiăng tơbleăng pêi khât, châ hên tơdroăng ăm hlo tơƀrê tung kơjo gum kuăn ngo, ‘mâi pro mâu troăng prôk, hngêi trăng, tơmeăm khoăng ƀă mơnhông tơdroăng rêh ối kuăn pơlê.

Tơmâng xo mâu tơdroăng hnê tối dêi khu kăn Séa ngăn Vi ƀan Kuăn ngo, jâ H’Yim Kđoh, Kăn phŏ hnê ngăn Vi ƀan kuăn pơlê kong pơlê Dak Lak mơnê kơ khu kăn séa ngăn hiăng mơhno mâu tơdroăng ki kong pơlê hâi chiâng pêi pro, troăng ki vâ tơkâ luâ xơpá tung la ngiâ. Pakĭng mê, Kăn phŏ hnê ngăn Vi ƀan Kuăn pơlê dêi kong pơlê Dak Lak tối, tung la ngiâ kô pêi kơtăng tâ nếo tung tơdroăng pêi mâu tơdroăng Tơkêa bro  dêi tơdroăng 1719 a kong  pơlê.