Hâi lơ 2/12, khu kăn Đảng ủy kong pơlê Kon Tum tơkŭm po hneăng hôp rôh má 10, vâ tối tơveăng hnê tối pêi pro hnoăng mơnhông cheăng kâ-rêh ối hơnăm 2022 ƀă ăm veăng hnê tối mâu tơdroăng kal ki ê. Tiô tối tơbleăng, hơnăm 2022 tâi tâng tơmeăm pêi lo tung kong pơlê châ lối 17.600 rơtal liăn, tâk 9,5% tâng vâ pơchông ƀă hơnăm nah, liăn ngân Tơnêi têa riân châ 4.000 rơtal liăn, ai tiô tối hdrối dêi kong pơlê pơcháu. Tiô khu kăn Đảng kong pơlê Kon Tum pơkâ mê vâ tâk tung tâi tâng mâu tơmeăm pêi lo bú châ 9,5% ôh tá ai tiô pơkâ cho tâk ing 10% tơngi klêng.

Tung pơla môi hâi, hâi hôp tơpui tơno, ăm hnê tối ƀă mâu tơdroăng tối tơbleăng ‘na tơdroăng pêi pro tiô cheăng kâ - rêh ối, cheăng lêng, kring vế tơniăn, mơjiâng Đảng, tơdroăng kal kí hơnăm 2022, troăng rơhlâ pêi hơnăm 2023; Hlá mơ-éa chêh Pơkâ kong pơlê Kon Tum tung pơla hơnăm 2021-2030, ƀă mâu tơdroăng kal kí ê.