Xông tơpui a roh pêi cheăng, pôa Hoàng Đăng Quang tối ăm ‘nâi, vâ hbrâ ăm Hneăng hôp má XIV dêi Đảng, Khu xiâm pơkuâ tơnêi têa hiăng mơjiâng mâu khu iâ mơngế hriăn plĕng tơdroăng cheăng, tung mê, khu iâ mơngế hriăn plĕng mâu pơkâ dêi Đảng châ pơcháu hnoăng cheăng mơjiâng, tơbleăng Khu xiâm pơkuâ tơnêi têa hneăng má XIII ‘na mơgêi, mơjiâng Đảng ƀă khu tơrŭm cheăng 15 hơnăm pêi pro pơkâ dêi  Đảng.

Ing tơdroăng châ tơƀrê nôkố dêi Đảng ƀô̆ Pơlê kong kân Cần Thơ tung tơdroăng mơjiâng Đảng ƀă pêi pro pơkâ dêi Đảng, ing mê, ai mâu pơkâ thế, pâ thế ƀă Hneăng hôp XIV dêi Đảng. Pôa Hoàng Đăng Quang pơkâ thế kal tơkŭm, mơnhên mâu tơdroăng châ tơƀrê ki má môi dêi 10 hnoăng cheăng pêi cheăng mơjiâng Đảng, tung mê, pêi pro 3 hnoăng cheăng xiâm ƀă 3 troăng ki châ tơƀrê ki Pơkâ dêi Đảng ƀô̆ Pơlê kong kân Cần Thơ hiăng pơkâ mơ’no.