Tiô tối tơbleăng mơgêi séa ngăn kơxô̆ 143, Khu riân ngăn liăn ngân Tơnêi têa kơpong 12 hiăng mơhno hên hĭn tơdroăng ki ôh tá tro, tơdjâk troh tơdroăng tơkêa pro Long têa Krông Pač thượng, kong pơlê Dak Lak. Tiah mê, lối 2.860 ha tơnêi kơpong pêi pro tơdroăng tơkêa kố tá hâi châ Vi ƀan hnê ngăn kong pơlê Dak Lak ăm phêp ngế ki ‘no liăn cheăng hơ’lêh xúa tơnêi sap ing tơnêi pêi chiâk deăng chiâng tơnêi ki ôh tá pêi chiâk deăng vâ bro tơdroăng tơkêa.

Tơdroăng kố cho tá hâi tơtro ƀă Luât Tơnêi tơníu. Tâi tâng ƀăng tơnêi kong kal hơ’lêh xúa cho 432 ha la nôkố xuân ối 383 ha tá châ hbru ăm hnoăng pơkuâ ăm phêp hơ’lêh cho tá hâi tơtro ƀă Luât Rak vế ƀă mơnhông pêt kong, Luât pơkâ ‘na Kong.

Khu séa ngăn Tơnêi têa xuân mơhno hên tơdroăng ki ôh tá tro tung hnoăng cheăng chêl thiê̆n, tŏng kum ƀă pro pơlê a tơdroăng tơkêa. Ing mê, Khu séa ngăn Tơnêi têa kơpong 12 pơkâ thế pơkâ tơleăng ‘na liăn ngân tâi tâng kơxô̆ liăn vâ chê 36 rơtal liăn. Tung mê, xo tơvêh nâp liăn tơnêi têa vâ chê 52 rơtuh liăn; kơdroh nâp liăn lối 17 rơtal liăn; kơdroh ki kơnía tơkêa u ối lối 18 rơtal liăn.