Kơxo lơ 23/3, a Hà Nội, Khu mơdró kŭn ƀă krâ kơvâ Việt Nam tơkŭm po Hneăng hôp kăn teăng mâ lâp tơnêi têa roh má IV hneăng hơnăm 2023 – 2028. Pôa Lê Minh Khái, Kăn xiâm pơkuâ hnê ngăn Đảng, Ngế pro xiâm phŏ hnê ngăn tơnêi têa troh veăng ƀă xông tơpui hnê mơhno a Hneăng hôp. Ƀă vâ chê 64 rơpâu ngế, hneăng cheăng hiăng hluâ Khu hiăng pơtối pêi pro lĕm tro hnoăng, tơdroăng cheăng ƀă tơdroăng pêi cheăng châ tơƀrê, troăng pêi, kơxô̆ tơmeăm, ki dâi lĕm ƀă ki châ tơƀrê tung pêi cheăng.

Tối ‘na hnoăng cheăng tung la ngiâ, pôa Lê Minh Khái pơkâ thế, Khu tê mơdró kŭn ƀă krâ kơvâ Việt Nam pơtối mơnhông mơdêk tâ mê nếo khôi túa lĕm tro, pơtối ai mâu troăng pêi, tơdroăng pêi cheăng ki nhên, rơtế ƀă Chin phuh, mâu khu xiâm kơvâ cheăng, kong pơlê vâ tŏng kum mâu khu tê mơdró kŭn ƀă krâ kơvâ tơkâ hluâ pá puât, pơtối thăm pêi pro rơdêi tơdroăng rak tơniăn ƀă mơnhông mơdêk.