Kơxê hâi lơ 27/3, Khu xiâm kŏng an tơkŭm hôp tơpui tơno râ tơnêi têa rôh má 4 ƀă tơdroăng “Tơdroăng chêh ‘măn tung kơmăi dêi Khu xiâm, kong pơlê tung tơdroăng chêh ‘măn tâi tâng tơdroăng dêi tơnêi têa”. Tiô mâu kăn tối, tung  mâu  rơxông pơ’lêh nếo 4.0 ƀă pơ’lêh kơxô̆, kal thế mơjiâng môi tơdroăng chêh 'măn tung kơmăi túa nếo nôkố ai tiô pơkâ tí tăng ‘nâi mâu tơdroăng chêh  ‘măn mâu tơdroăng.

Drêng tơdroăng chêh ai tiô tơbleăng môi tơdroăng môi tuăn pro tơ’lêi hlâu ăm tơdroăng tối ăm ‘nâi, tơkŭm chêh ‘măn mâu tơdroăng tung lâp tơnêi têa, hlối mơdêk ki tơƀrê, pơxúa mâu tơdroăng chêh ‘măn. Tơdroăng chêh tiô túa nếo nôkố veăng ăm phêp mơdêk ivá ki pro tơkŭm tơtro ƀă ăm ‘nâi tơdroăng chêh ƀă kơdroh ki rơlối tơdroăng chêh.

Laga ki pá nôkố cho tơdroăng tơdjêp ƀă kơmăi hmâ chêh, xiâm ki chêh ‘măn mâu tơdroăng kơvâ cheăng dêi mâu khu xiâm kơvâ cheăng, ối trâm hên xơpá. Tiô mâu kăn, vâ pêi klêi tơdroăng tơdjêp ‘mot tơdroăng chêh ‘măn mê mâu khu xiâm, kơvâ cheăng kal thế môi tuăn tung tơdah xo, rak ngăn, tối ăm ‘nâi ƀă tí tăng tíu vâ chêh ‘măn.

Pakĭng mê, Chin phuh kal rĕng mơjiâng ƀă ăm xúa Tíu xiâm chêh ‘măn mâu tơdroăng dêi tơnêi têa vâ tơkâ luâ mâu tơdroăng pá tung tơdjêp, tối ăm ‘nâi mâu tơdroăng chêh.