Kơxê lơ 9/3, a Hà Nội, Khu xiâm pơkuâ Kŏng an tơkŭm po trâm mâ leh tơbâ 75 hơnăm Hâi mơjiâng khu Kŏng an kuăn pơlê (11/3/1948 – 11/3/2023). Xông tơpui a roh trâm mâ, pôa Trần Quốc Tỏ, Ngế xiâm phŏ pơkuâ Kŏng an mơnhên, 75 hơnăm hiăng hluâ, khu cheăng kŏng an kuăn pơlê đi đo môi tuăn ƀă Đảng, Tơnêi têa ƀă Kuăn pơlê, mơ-eăm pêi kêi đeăng hnoăng cheăng kal kí châ pơcháu; rak krá tơniăn hbrâ xêh troăng pêi cheăng ton xŏn, gâk kring tơniăn tơnêi têa, tơniăn lâp pơlê pơla, ôh tá ăm ôh tá chiâng pêi ki klâi, kơdrâ, kum hên tung pêi pro hnoăng cheăng mơnhông mơdêk cheăng kâ, mơhno khôi túa lĕm tro, rêh ối pơlê pơla ƀă tơpui kâ ƀă kong têa ê dêi tơnêi têa.

Drêng ai tơdroăng pơkâ pêi tung la ngiâ pơkâ thế rêm ngế kăn ƀô̆, mâu kŏng an pôu râng hnoăng cheăng mơjiâng khu kŏng an kuăn pơlê đi đo hriâm tâp, mơdêk tuăn ngôa pêi cheăng rơkê tŭm túa, đi đo hvái ngăn, pơtâng troăng tơmiât tro, hiâm mơno lĕm, troăng tơdjâ Pôa Hồ Chí Minh; tâi hiâm mơno kum ăm tơnêi têa, kum ăm kuăn pơlê.