Hâi lơ 1/3, jâ Cao Xuân Thu Vân - Kăn phŏ hnê ngăn khu xiâm pêi chiâk rơtế ƀă khu kăn hiăng troh pêi cheăng ƀă Khu kăn Đảng kong pơlê Bạc Liêu. Tối tơbleăng a rôh pêi cheăng, Kăn phŏ hnê ngăn Đảng kong pơlê Bạc Liêu cho jâ Lê Thị Ái Nam ăm ‘nâi, Khu kăn Đảng kong pơlê đi đo tơmâng tơdroăng cheăng dêi Khu ngăn kuăn pơlê pêi chiâk, malối cho mâu tơdroăng hbrâ ăm hneăng hôp Khu ngăn kuăn pơlê rêm râ.

Kăn hnê ngăn kong pơlê hiăng hnê mơhno ăm Khu ngăn kuăn pơlê pêi chiâk dêi kong pơlê tơrŭm ƀă Khu ngăn pêi chiâk, malối cho mâu tơdroăng cheăng hbrâ ăm hneăng hôp ngăn kuăn pơlê rêm râ. Kăn hnê ngăn kong pơlê hiăng hnê mơhno ăm Khu ngăn kuăn pơlê pêi chiâk tơrŭm ƀă Khu ngăn pêi chiâk ƀă mơnhông mơdêk thôn pơlê tơkŭm po hôp tối mâu tơdroăng vâ mơnhên ki tơƀrê, malối ăm kuăn pơlê pêi chiâk dêi Bạc Liêu.

Tối mơgêi a rôh pêi cheăng, Kăn xiâm phŏ hnê ngăn Tíu xiâm Khu ngăn kuăn pơlê pêi chiâk Việt Nam Cao Xuân Thu Vân khĕn kơdeăn khât tơdroăng hbrâ xuân môi tiah tơkŭm po hneăng hôp Khu kuăn pơlê rêm râ dêi kong pơlê Bạc Liêu, Hlối pơkâ thế kong pơlê kal tơmâng tơdroăng ‘na mơngế pêi cheăng, malối cho Khu kăn ngăn Khu kuăn pơlê pêi chiâk kong pơlê Bạc Liêu tung hneăng ki nếo ôh tá xê to ai troăng rơhlâ, krá tơniăn ‘na kal kí mê ối rơkê plĕng tung mơnhông mơdêk  cheăng kâ.